نجاة الظاهري
06-12-2009, 11:44 PM
عندي صديقة دوم تردد هالبيت :
" تسافر لآخر الدنيا و تطلب مني ما أشتاق .. تدور راحتي و انته تبي تروح و تخليني "
فخطرت ف بالي قصيدة ع النفس الوزن و القافية :)
فقلت أشارككم إياها . .
صار لها أكثر من شهر تقريباً من كتبتها :)
أنا راحل و في قلبي بقايا ذكريات أشواق
و ذكرى حب أغليته و لكن ما هو مغليني
دروبي ترسم أسفاري و ترسم خطوتي الفراق
و ما ودي و لكنه يكفيني الذي فيني
جروح زيادة ما أبغي و هذي العيشة ما تنطاق
و ليش أشعل بإيدي النار و أحضن حرها بعيني
غريقك من سكونه قام و من حلم السعادة فاق
صبر وايد ، و هذا اليوم صبري وينه و ويني
تعذبني بكلماتك و جرحي لحضرتك قد راق
أمد لك كفي و تنثر بحقرانك ثرى إيديني
أبرحل و الرجوع محال و لو قالوا حبيبك ذاق
ندم خلى حياته هم .. برد ما عاد يعنيني
اهو الجاني على نفسه و كم صدر بفعله ضاق
و ياما قلت له يحذر و لكن دومه يعصيني
يشوف من الورود الشوك و ما شده دفا الأوراق
و حد الله ما بين الذي همه القسى و بيني
أبرحل و الطريق الي جعلني لعشقي له أنساق
بمحي كل شي به ، و لو حاول ينسيني
كرامة نفسي ألزم من محبة لها طريق شاق
بخليها ، و ما برجع و لو ما هو بمخليني
و سواااااااااااالم :)
" تسافر لآخر الدنيا و تطلب مني ما أشتاق .. تدور راحتي و انته تبي تروح و تخليني "
فخطرت ف بالي قصيدة ع النفس الوزن و القافية :)
فقلت أشارككم إياها . .
صار لها أكثر من شهر تقريباً من كتبتها :)
أنا راحل و في قلبي بقايا ذكريات أشواق
و ذكرى حب أغليته و لكن ما هو مغليني
دروبي ترسم أسفاري و ترسم خطوتي الفراق
و ما ودي و لكنه يكفيني الذي فيني
جروح زيادة ما أبغي و هذي العيشة ما تنطاق
و ليش أشعل بإيدي النار و أحضن حرها بعيني
غريقك من سكونه قام و من حلم السعادة فاق
صبر وايد ، و هذا اليوم صبري وينه و ويني
تعذبني بكلماتك و جرحي لحضرتك قد راق
أمد لك كفي و تنثر بحقرانك ثرى إيديني
أبرحل و الرجوع محال و لو قالوا حبيبك ذاق
ندم خلى حياته هم .. برد ما عاد يعنيني
اهو الجاني على نفسه و كم صدر بفعله ضاق
و ياما قلت له يحذر و لكن دومه يعصيني
يشوف من الورود الشوك و ما شده دفا الأوراق
و حد الله ما بين الذي همه القسى و بيني
أبرحل و الطريق الي جعلني لعشقي له أنساق
بمحي كل شي به ، و لو حاول ينسيني
كرامة نفسي ألزم من محبة لها طريق شاق
بخليها ، و ما برجع و لو ما هو بمخليني
و سواااااااااااالم :)